Thëllënza
Më shumë hapësirë për mënyrën tuaj të jetesës
Thëllënza ofron pak më shumë hapësirë për familjet që duan liri në përditshmëri, duke sjellë 306 m2 bruto në dy nivele, të organizuara me kujdes për funksionalitet dhe privatësi. Përdhesa hapet rreth zonës kryesore të jetesës, ku salloni, kuzhina dhe tryezaria krijojnë një ambient të përbashkët, me dritë të bollshme natyrore dhe lidhje të drejtpërdrejtë me oborrin.
Galeria me lartësi të dyfishtë i jep shtëpisë karakter dhe ndjesi hapësire, ndërsa dhoma shtesë në përdhesë mund të marrë funksionin që i përshtatet më së miri familjes. Në kat, tri dhoma gjumi krijojnë një zonë të veçuar për pushim dhe privatësi, me dhomën kryesore të kompletuar me banjo private. Një shtëpi e bollshme, por gjithmonë e ngrohtë dhe e afërt me natyrën.
Thëllënza Compact
Gjithçka që ju nevojitet, në një organizim më të përmbledhur
Thëllënza Compact e ruan organizimin e menduar të Tipit 2 në një variant pak më të përmbledhur, me gjithsej 295 m2 bruto. Edhe këtu, jeta e përditshme zhvillohet rreth një hapësire të hapur dhe të ndriçuar, ku qëndrimi ditor, kuzhina dhe tryezaria lidhen natyrshëm me njëra-tjetrën dhe me oborrin.
Galeria me lartësi të dyfishtë sjell karakter dhe dritë, ndërsa organizimi në dy nivele e ndan qartë jetën e përbashkët nga zona private e familjes. Është një shtëpi që shfrytëzon mirë çdo metër, duke ruajtur atë që ka më shumë rëndësi: hapësirën për familjen, dritën natyrore dhe qetësinë e përditshme.
