Dushku
Një shtëpi e menduar për të jetuar mirë
Dushku është një shtëpi e menduar për familjen dhe përditshmërinë e saj. Me gjithsej 283 m2 bruto të organizuara në dy nivele, ajo krijon një ndarje të natyrshme mes hapësirave ku familja mblidhet dhe atyre ku secili gjen qetësinë e vet. Në përdhesë, qëndrimi ditor, kuzhina dhe tryezaria bashkohen në një hapësirë të hapur, të ndriçuar natyrshëm dhe të lidhur drejtpërdrejt me oborrin.
Galeria me lartësi të dyfishtë i jep ambientit më shumë dritë dhe ndjesi hapësire, ndërsa një dhomë shtesë në këtë nivel mund të përshtatet si dhomë mysafirësh apo zyrë. Kati i sipërm ruan privatësinë e familjes me tri dhoma gjumi, përfshirë dhomën kryesore me banjo private. Një shtëpi e plotë, e balancuar dhe e krijuar për të jetuar mirë, çdo ditë.
Dushku Prim
E njëjta filozofi, një tjetër orientim
Dushku Prim ruan të njëjtën filozofi të organizimit dhe komoditetit të Tipit 1, por vjen si një variant që i përshtatet pozicionimit dhe orientimit të parcelës, duke ruajtur identitetin e njëjtë modern të Green Hills. Me 283 m2 bruto në dy nivele, shtëpia ofron një zonë të bollshme ditore me koncept të hapur, galeri me lartësi të dyfishtë dhe hapje të mëdha që sjellin dritën natyrore brenda.
Përdhesa plotësohet me një dhomë fleksibile dhe garazh me qasje të drejtpërdrejtë, ndërsa kati i sipërm është menduar si zona më private e shtëpisë, me tri dhoma gjumi dhe banjo private për dhomën kryesore. Një shtëpi ku arkitektura moderne dhe funksionaliteti vijnë bashkë, në frymën e qetë të Green Hills.
Dushku Compact
Komoditet i plotë në një formë më kompakte
Dushku Compact, në variantin e tij më kompakt, ruan gjithçka që e bën këtë tip shtëpie funksional dhe të rehatshëm, në një sipërfaqe prej 267 m2 bruto të ndarë në dy nivele. Hapësira e ditës mbetet zemra e shtëpisë: qëndrimi ditor, kuzhina dhe tryezaria lidhen mes tyre dhe hapen drejt oborrit, ndërsa galeria me lartësi të dyfishtë sjell dritë dhe hapësirë edhe në dimensione më të përmbajtura.
Një dhomë në përdhesë shton fleksibilitet në përdorim, ndërsa tri dhomat e gjumit në kat krijojnë zonën e qetë dhe private të familjes. Një zgjedhje e menduar për ata që duan një shtëpi të organizuar mirë, pa hapësira të tepërta dhe pa hequr dorë nga komoditeti i Green Hills.
